ഗാനമേ

കവി കനിഞ്ഞു കല്‍പ്പിച്ചു ദൃഢമാമസ്ഥിപഞ്ജരം,

സംഗിതം മെനഞ്ഞു നിന്‍ മജ്ജയും തുകല്‍ക്കൂടും,

വാദ്യവൃന്ദം നേര്‍ന്നു പകിട്ടാര്‍ന്നോരുടയാട,

പിന്നെ ഗായകന്‍ നല്‍കീ നിനക്കന്തരാത്മാവും,

എല്ലാമേ തികഞ്ഞു നീ ശ്രേഷ്ടയായ്‌ വിലസുമ്പോള്‍,

ആരു നിന്‍ പിതാവാരെന്നു ചൊല്‍കാനാമോ ?

കേളി

നിശയുടെ സാന്ദ്ര നീലിമയില്‍അലിയാം

ദിശയറിയാക്കയങ്ങളില്‍തിരയാം

അസുലഭ സുഖമയ സുരകൃത ലാസ്യ കേളികളില്‍

അലിയുമൊരനുപമ പരിമൃദു വിസ്മയങ്ങളില്‍

അതി ചടുലം, സ്വരലയ താന്ത തന്തികളില്‍

മധുമധുരം, തിരകളിലലിയുമന്തികളില്‍

ഒരു സുഖ നിമിഷമതുണരുമൊരവനിയിതില്‍

നടനമിതാ, ചതുര ഭരത താള ചലനങ്ങളില്‍. (2)



കലയുടെ കാവ്യ കല്‍പ്പനകള്‍സാന്ത്വനം

മുരളികയില്‍സപ്തസ്വരമധുര നിസ്വനം

പുലരിയിലൊരുതണു ഹിമകണമുമ്മ വച്ചതോ

ഒരു മൃദു സുരഭിലമതിസുഖ തെന്നലായിതാ

മതിമുഖി നീ ,വിടരുമൊരുണ്മ പോലവേ

ഇനിവരു നീ, പേലവപുഷ്പ സിരകളില്‍

ഒരുനറു കിരണമതുതിരുമൊരുര്‍വരിയില്‍

കവനമിതാ, സുകൃതമയ മൃദുരവങ്ങളായ്. (2)