വരിക വീണ്ടും വരിക
കുഞ്ഞുനക്ഷത്രമേ നീ വരിക
വീണ്ടുമീ വേനലുറങ്ങും താഴ്വാരങ്ങളിലേക്ക്
ഉണ്മയോടുജ്ജ്വല പ്രകാശമായ് വരിക
മറ്റൊരൂഷ്മള പ്രവാഹമായ്
തെലിനീരുറവയായ്,
മധുവൂറും ചുടു നിശ്വാസ ധാരയായ്
വീണ്ടും വരിക വന്നൊരുണര്ത്തുപാട്ടിന്
ചിന്തായ് തെളിയുക.,
മഞ്ജു ശീതള ഛായയായ്,
നീഹാരാവൃത്ത മഞ്ജിമ തഞ്ചും
നീല നിലാവായ്
മൈലാഞ്ചി ക്കൈകള് തെളിക്കുമോരന്തി
വിളക്കിന് ചോപ്പായ്
തളിര് മാലകളണിയും നിഴലായ്
മാലേയക്കുളിര് ചൂടിയുറങ്ങും
കളഗാനമുതിര്ക്കും നീര്ച്ചോലകളായ്
മലര്മുകുളങ്ങളിലൂറും
നറുതേന് കാണമായ്
മതിമുഖി മാരുടെ
മിഴികളിലൂറും
മദുരോന്മാദ സ്മൃതിയായ്
വനഭൂമികള് തോറും
തഴുകിയിറങ്ങും. മന്ദാനിലനായ്
വരിക; വിണ്ണിന് മാറ്
ചുരന്നോരമൃതായ് വരിക
വീണ്ടും വരിക
04 മാര്ച്ച് 1983
No comments:
Post a Comment